11-14 ára
Kennslustig í stangarstökki
Kennslustig 1: Grip og stöng borin
1. Iðkandi lærir að halda á stöng.
2. Iðkandi lærir að að mæla griphæð.
3. Iðkandi lærir að ganga með stöng.
4. Iðkandi hleypur með stöng, hraði er aukinn hægt og rólega
Kennslustig 2: Sveiflað
-
Iðkandi tekur þrjú skref, hangir á stöng og sveiflar sér frá einum stað til annars með stöng fyrir ofan höfuð.
-
Hægri hönd stökkvara er bein í gegnum allt ferlið á meðan sú vinstri er bogin.
-
Stökkvari stekkur upp á vinstra fæti og keyrir hné þess hægri kröftuglega upp.
-
Stökkvari sveiflar sér hægra megin við stöng
Íþróttamaður sem ekki hefur náð tökum á grunntækni greinarinnar mun aldrei ná góðum árangri í tiltekinni íþrótt. Góður grunnur er lykilinn að góðum árangri síðar meir. Stigvaxandi æfingar skila bestum árangri þar sem byrjað er á einföldum æfingum og síðan byggt ofan á þær. Mikilvægt er að ekki sé farið í næsta tækniatriði fyrr en barnið hefur náð tökum á því fyrra. Þjálfari skal þó vera óhræddur við að leyfa barninu að taka þátt í flóknari æfingum og stökkva stangarstökk í heild sinni. Áhersla skal þó ávallt vera lögð á þau tækniatriði sem tilheyra því kennslustigi sem barnið er statt á og þjálfari skal leiðbeina stökkvara m.t.t. til þess. Hér að neðan hefur stangarstökki verið skipt niður í 6 kennslustig.
Kennslustig 3: Sveiflað frá upphækkun
-
Tæknin er sú sama og lýst er í kennslustigi 2.
-
15 - 35 cm há upphækkun er notuð.
-
Iðkandi sveiflar sér frá upphækkun út í dýnu eða sand.
-
Ef dýna er notuð er gott að lenda sitjandi og byrja þannig að þjálfa iðkanda í að lyfta fótleggjum.
Kennslustig 4: Sveiflað og snúið frá upphækkun
-
Iðkandi sveiflar sér frá 15 - 35 cm hárri upphækkun eins og lýst er í kennslustigi 3. Líkamsstöðu sveiflunnar er haldið eitt andartak áður er stökkvari snýr sér þannig að hann snúi að uppstökkstað sínum þegar hann lendir.
-
Þegar stökkvari hefur náð tökum á hreyfingunni er hægt að prófa að fara yfir lágar hæðir.
Kennslustig 5: Plantað , hangið og snúið
-
Hlaupin er fimm til sjö skrefa atrenna. Atrennan er fyrst gengin og með auknu öryggi eykst hraðinn. Byggt er ofan á tækni fyrri kennslustiga.
-
Iðkandi hleypur atrennu með stöng fyrir framan sig og hægri hönd upprétta áður en plantað er.
-
Iðkandi hleypur með stöng á öxl áður en plantað er.
-
Iðkandi hleypur með stöng niður með síðu áður en plantað er.
Kennslustig 6: Stangarstökk í heild sinni
Stangarstökk æft í heild sinni með áherslu á tækni fyrri kennslustiga. Þegar stökkvari hefur náð góðum tökum á tækninni má bæta við flóknari tæknilegum atriðum og auka kraft og hraða.
